Седи си брат во магацин: Робот се обиде да танцува како Мајкл Џексон и спектакуларно се избрука
Видео кое се појави денес предизвика бурни реакции ширум интернетот. На него се гледа хуманоиден робот кој самоуверено излегува пред публика и започнува да изведува потези инспирирани од хитот „Billie Jean“ на Мајкл Џексон од 1983 година. Првично изгледа импресивно, со роботот што умешно имитира човечки движења, но брзо наидува на пречка – се сопнува од високата скала на сцената и тука почнува патешествието.
Падот на роботот стана вирален и покажа колку човечките ритуали се тешки за роботите
Оваа снимка која е направена на настан во продавница за роботи наречена Future Era во Шенжен, Кина, веднаш стана материјал за шеги и потсмев на социјалните мрежи. Но, покрај тоа, совршено го илустрира основниот проблем со најголем дел хуманоидни роботи кои ги гледаме на интернет: додека на видеата изгледа дека роботите со леснотија изведуваат комплексни движења во динамична средина, реалноста е дека она што обично го гледаме е внимателно однапред програмирана рутина.
Роботите се добри додека не се случи нешто неочекувано – тогаш се открива нивната немоќ
Сé е во ред додека сé оди според планот и демонстрацијата импресионира публика, но штом се случи нешто неочекувано, како паѓањето од денешното видео, се покажува колку има уште да се работи на способностите и корисноста на овие машини. Извршувањето домашни задачи како чистење или миење садови можеби звучи едноставно, но во хаотична средина каква што е типична кујна или дневна соба, постојат бесконечни варијабли кои лесно можат да ги изненадат и „сопнат“ неспремен робот.
Коментирај анонимно