Секој трет маж сака да биде во врска или брак со повеќе од 2 жени истовремено. Очекувано, зар не?

За многумина од нас е повеќе од доволно да се одржува еден маж или жена среќни.

Но, значително малцинство би можело да биде отворено за идејата за полигамен брак, доколку тој е легален и консензуален, сугерира една студија.

Една третина од мажите биле отворени за идејата да имаат повеќе од една жена или долгорочна девојка.
Но, само 11 отсто од жените сакале да имаат повеќе од еден машки партнер.

Истражувачите од Универзитетот Свонси прашале 393 хетеросексуални мажи и жени во Велика Британија како се чувствуваат за посветеното партнерство во кое ја споделуваат својата друга половина со некој друг или се споделуваат самите.
Студијата ги праша учесниците за врска која личи на полигинија – каде мажот се жени со повеќе жени – и полиандрија – каде жената се мажи за повеќе од еден маж.

Мажите, на пример, прво биле прашани дали би сакале да се делат со повеќе од една жена, а потоа ги прашале дали би биле спремни да делат партнерка со друг маж.

Само 5 отсто од жените биле заинтересирани за тој аранжман, додека 9 отсто од мажите изјавиле дека би делеле партнер.

„Со директна споредба на полигинијата и полиандријата, мажите имале 3,5 пати поголема веројатност да кажат „да“ на првото отколку на второто, додека жените имале двојно поголема веројатност да кажат „да“ на полиандријата отколку полигинијата“, велат истражувачите, чија студија сè уште не е рецензирана.

Луѓето билд „отворени за полигамијата кога им овозможувала пристап до неколку сопрузи/сопруги, наместо кога ќе бара од нив да го делат својот партнер“, напишаа тие во весникот. Водечкиот автор на студијата, д-р Ендрју Томас рече: „Има голема разлика помеѓу отвореноста/интересот и всушност следењето на тие интереси. Лесно е да се каже „Да, мислам дека би сакал да се омажам за две лица“ кога не се соочувам со реалноста на таквата одлука!“