„Си го отсеков прстот за да личам на вонземски ЃАВОЛ, имам 1500 тетоважи, а она што го планирам следно… ќе ви ја замрзне крвта!“

Човекот наречен „најмодифициран човек на светот“ благодарение на неговиот уникатен изглед, ја откри својата најнова трансформација – си го отсекол показалецот за да личи на вонземски ѓавол.

Марсело „Б-Бој“ Де Соуза Рибеиро е познат по неговите ексцентрични тетоважи и инвазивни модификации на телото, вклучително и метални заби, импланти на кожата и расцепен јазик.

Со текот на годините, тој потрошил околу 35.000 долари за неговата трансформација за да личи на „вонземски ѓавол“ и верува дека 98 отсто од неговото тело е изменето.
Претходно, тој ја откри својата најнова процедура, делење на раката на половина, за која тврди дека е „прва во светот“.

Сега, во обид да ја продолжи својата трансформација, тој неодамна претрпе друга модификација за да ја подобри својата друга рака: отстранување на показалецот.
„Правам нова модификација која сè уште не постои во светот“, објасни Марсело, уметник од Сао Паоло, Бразил.

„Веќе ги истражував модификациите на телото во светот и според она што го видов, никој сè уште не направил слична. По тоа како ја направив мојата рака неодамна, ми беше интересно да ја направам другата во различен облик, па очекувам да личи на вонземска рака“.

Марсело, кој има 1.500 тетоважи, тврди дека процедурата била внимателно анализирана две недели пред операцијата, при што показалецот бил внимателно отсечен на зглобот.
Бидејќи процесот бил брз и лесен, тој забележал млака болка – но вели дека првите пет дена биле многу болни. Сега, тој е речиси излечен и почнува да се навикнува на своите нови „канџи“.

Тој вели: „Се навикнувам на тоа и можам нормално да ја движам раката. Успевам да правам сè како и обично, како што е пишување, тетовирање и свирење на виолина.

Марсело, кој има две деца, Алеф Рајан (10) и Хилари Беатрис (20), како и четиригодишен внук, вели дека постапката не го чинела ниту денар.

Претходно ги откри реакциите кои ги добива од пошироката јавност за неговиот контроверзен изглед, кој е главно позитивен.

Марсело додава: „Секогаш привлекувам внимание каде и да одам и луѓето секогаш се љубопитни да знаат дали тие (модификациите) се реални. Тие ме фотографираат и снимаат видеа. Луѓето се воодушевени и изненадени што гледаат толку многу тетоважи“.

Луѓето често се прашуваат дали тетоважите на очното јаболко на Марсело биле најболни, но тој признал дека најлоши биле тетоважите на ушите со зелено и црно мастило.