Силен блесок на небото ги исплаши жителите на Норвешка! Метеор, парче вселенски отпад или нешто друго?

Сјаен метеор го осветли норвешкото ноќно небо во различни бои.
Падот на метеорот беше забележан на југозападот на земјата во саботата вечерта и ги натера локалните жители да ги повикаат властите за да го откријат неговото потекло. Полицијата во Агдер ги уверила мештаните дека најверојатно се работи за метеорит.

Метеоритот блесна во различни бои додека минуваше низ атмосферата.
„Полицијата прими повик за силен светлосен зрак на небото, кој наизменично се менуваше во неколку бои – тоа беше видливо од областа Вигмостад“, напиша полицијата на „Твитер“. „Полицијата контактираше со Метеоролошкиот институт, кој сугерираше дека може да се работи за метеорит.
Норвешкиот метеоролошки институт потврди дека метеоритот припаѓа на годишниот дожд наречен Северен Таурис.

Инцидентот доаѓа неколку месеци откако стотици луѓе ширум Шкотска, Северна Ирска и северна Англија гледаа необична огнена топка како го осветлува ноќното небо.

Огнената топка беше видлива на небото 10 до 20 секунди, што е предолго за метеор. Односно, не е јасно дали огнената топка всушност била вселенска карпа, парче вселенски отпад или нешто друго.