Скандал во Премиер Лигата: Сопственикот на клубот Астон Вила предмет на уцена од 1 милијарда евра со с*кс снимка од кинеска љубовница 18 години помлада од него

Содржина:

• Кинеска бизнисменка барала половина од богатството на Единс, заканувајќи се дека ќе ја открие нивната врска и интимни снимки
• Запознавање преку LinkedIn, љубовно писмо и закани по игнорирање на чувствата
• Од договорена исплата од 5 милиони до уцени од 1 милијарда евра и обвинување за полово пренослива болест
• Апартманот на Ло претворен во „студио за уцена“: ФБИ открива скриени телефони и измонтирани порно снимки
• Актуелниот статус на случајот: Ло уапсена на аеродром на пат за Кина, во куќен притвор со кауција од 433.000 евра
• Империјата на Весли Единс: Сопственик на Астон Вила, Виторија С.К. и дел од МБА тимот Милвоки Бакс

Кинеска бизнисменка барала половина од богатството на Единс, заканувајќи се дека ќе ја открие нивната врска и интимни снимки

Според обвинителите, Чангли Ло (46), кинеска бизнисменка, побарала од Единс да и исплати половина од неговото лично богатство кое изнесува 2,1 милијарди евра, или таа јавно ќе ја обелодени нивната афера. Таа го предупредила дека ќе го ‘уништи’, тврдејќи дека поставила неколку камери во својот стан каде што имале сексуални односи, и доколку не и плати, ќе ги извести неговите деловни партнери и семејството.

Запознавање преку LinkedIn, љубовно писмо и закани по игнорирање на чувствата

Единс и Ло се запознале во 2022 година, нешто по разводот на Единс, кога таа го контактирала преку LinkedIn, првенствено во деловни рамки. Обвинителите велат дека барањата започнале кога Единс ја игнорирал нејзината љубовна порака по сексуалниот однос во нејзиниот стан во Њујорк во јуни 2023.
Ло му напишала: „Никогаш не ти кажав дека те сакам, а вечерва сакам да ти кажам дека ги потиснував моите чувства кон тебе, бидејќи навистина те сакам од дното на моето срце!“ По ова следеле директни закани дека ќе објави фотографии и видеа од нивните интимни моменти.

Од договорена исплата од 5 милиони до уцени од 1 милијарда евра и обвинување за полово пренослива болест

Првично, по медијација, се наведува дека Единс се согласил да и исплати на Ло 5,5 милиони евра, но таа потоа ја зголемила сумата на барањата на 1 милијарда евра. Ло тврдела дека Единс и ја пренел HPV, болест што се пренесува по сексуален пат.

Апартманот на Ло претворен во „студио за уцена“: ФБИ открива скриени телефони и измонтирани порно снимки

Обвинителите соопштија дека агентите на ФБИ извршиле претрес на станот на Ло во мај минатата година, при што откриле телефон скриен во корпа за алишта и друг во кутија со дамски хигиенски производи. На уредите биле пронајдени филмови за возрасни во кои лицето на Единс било монтирано врз телото на друг маж.

Актуелниот статус на случајот: Ло уапсена на аеродром на пат за Кина, во куќен притвор со кауција од 433.000 евра

Чангли Ло беше уапсена минатата година на аеродромот ЏФК во Њујорк кога се обидела да замине за Кина, по што и беше изречен куќен притвор со кауција од 433.000 евра. Таа негира четири обвиненија, меѓу кои уцена и уништување докази, а нејзиниот сегашен адвокат тврди дека претходниот правен тим бил премногу агресивен во барањата.

Империјата на Весли Единс: Сопственик на Астон Вила, Виторија С.К. и дел од МБА тимот Милвоки Бакс

Единс во 2018 година ја предводеше групата што купи 55% контрола во Астон Вила во вредност од 35 милиони евра, додека тимот беше во Чемпионшип. Има и 46% удел во португалскиот Виторија С.К. вреден 5 милиони евра. Во 2014 година, со Марк Ласри, го купи НБА клубот Милвоки Бакс за 410 милиони евра.