Софтверски инженер си го ставил својот „Apple Vision Pro“ од 3500 долари на сред свадба, па што мислите, дали невестата се налутила?

Свадба во Сан Франциско доби неочекуван пресврт кога младоженецот одеднаш стави „Apple Vision Pro“ од 3.500 долари за време на сликите и приемот по церемонијата.

Камбри, невестата, изгледаше не баш задоволна на фотографијата објавена на „X“, додека Џејкоб, софтверски инженер, се смееше пред камерата со делумно покриеното лице од „Vision Pro“ и прстите стиснати во воздухот.

Сликата беше објавена само две недели по објавувањето на „Vision Pro“, кој забележа неодамнешен пад во продажбата, при што еден процент од купувачите го вратиле уредот.
Невестата го молела нејзиниот иден сопруг да го остави уредот во автомобилот за време на нивниот голем ден – но нејзиниот иден сопруг ги игнорирал нејзините желби и сепак го носел.
„Не го носев на церемонија од почит кон Бога и кон мојата сопруга“, изјави Џејкоб за „Futurism“.

„Но, откако излеговме од церемонијата, на шега го ставив“.

Џејкоб Рајт (24) работи во стартап за вештачка интелигенција „Runpod“ и изјави дека побрзал да го купи „Vision Pro“ два дена по неговото излегување, нешто што и пречи на неговата нова сопруга.

Џејкоб ја прашал Камбри два или три пати дали може да го носи „Vision Pro“, и иако таа постојано му кажувала „не“, тој не ја послушал.

„Изгледам целосно налутено на сликата“, изјави таа за медиумот. „Но, јас не бев налутена“.
Сепак, Камбри изјави дека му дозволила да го носи за фотографирање. Џејкоб тврдеше дека уредот го носел само за „Инстаграм“, но потоа решил да го носи за време на приемот за да направи извонредни видеа и слики за во иднина.

„Vision Pro“ на „Apple“ го достигна врвот веднаш пред неговото официјално објавување, продавајќи од околу 200.000 уреди за неколку часа по отворањето на пред-нарачките за производот. Уредот им овозможува на корисниците да гледаат филмови на проектиран голем екран, а исто така им овозможува на корисниците истовремено да ја гледаат својата околина.

Уредот, исто така, ви овозможува да работите на вашиот компјутер, без потреба од монитор и може да снимате видеа и слики што им овозможува на корисниците повторно да се нурнат во моментот години подоцна. Поддржува милион апликации од „iOS“ и „iPadOS“ за играње игри и проследување филмови.

Извршниот директор на „Apple“, Тим Кук, рече дека „Vision Pro“ е најнапредниот уред за потрошувачка електроника некогаш создаден.

Цената на Vision Pro започнува од 3.500 долари за основната меморија од 256 GB, но оди до 3.699 долари за 512 GB меморија. Ако потрошувачот сака дополнително да го зголеми просторот за складирање на 1 TB, цената се зголемува на 3.899 долари, со додаток од 99 долари за оптички влезови.