Сонот на секој млад човек: Пар патува низ Австралија со комбе и заработуваат до 500.000 долари годишно

Млад брачен пар го живее својот сон патувајќи низ Австралија и заработувајќи неверојатни 500.000 долари годишно во тој процес.

Нејтан (23) и Бек (25) пред 12 месеци тргнале со минибус од своите домови во Морнингтон, Викторија за да ја видат Австралија и оттогаш не се свртиле назад. Тоа бил скап потег, па парот набрзо решил да направи уште една драматична промена на животниот стил: снимање и патувања и содржини на пат. Оттогаш, тие добија огромен број следбеници на интернет, поради што нивниот приход вртоглаво расте до половина милион долари годишно.

„Не многу луѓе можеа да си дозволат да живеат на пат, тоа е толку скапо. Гориво, возило и сè“, изјави Бек за FEMAIL. По Ковид, Нејтан ја загубил работата како електричар, па парот ги искористил своите заштеди за да купи минибус и да го започне животот на пат. Тие почнале да ги документираат своите патувања на социјалните мрежи, кои привлекоа илјадници прегледи и следбеници.

Нивниот „Instagram“, „Island Bound On Tour“ има 11.000 следбеници, додека тие имаат 124.000 фанови на „TikTok“. За само три месеци од патувањето, Нејтан и Бек изградија лојална заедница на обожаватели и следбеници и парите почнаа да се вртат, па го надградија автобусот со луксузно комбе 4×4. Една година подоцна, парот ја виде „буквално цела Австралија“ и ги поминува деновите истражувајќи некои од најневеројатните „скриени скапоцени камења“ во земјата споделувајќи фрагменти од нивните патувања на интернет. Тие ја користат својата неверојатна заработка за да ги финансираат своите патувања, инвестиции и заштеди за иднината.