Станала маж, па се предомислила. Жена од Калифорнија два пати го сменила полот откако и се „снеарнило“ додека била во машко тело

Пејачката Кат Катинсон (30) од Санта Круз, Северна Калифорнија, пораснала како жена, но била идентификувана како трансродов маж на 15 години.

Таа започнала да станува маж во март 2020 година, откако поминала години борејќи се со родова дисфорија; започнала со тестостерон и почнала да се нарекува Тони.
Кат планирала да и ги отстранат градите преку операција – но набрзо почнала да чувствува мачнина и срцебиење кога започнала со земање тестостерон, кој и бил препишан од доктор.

Како пејачка, таа исто така била загрижена дека ќе го изгуби својот „висок тон“, па одлучила да престане со транзицијата и ги прекинала инјекциите во септември 2020 година.

Тогаш сфатила дека е посреќна како жена – па решила целосно да се детранзитира – и изјавила дека е изненадена од тоа колку брзо се случил целиот процес и дека не биле потребни никакви тестови или терапија.
На Кат и требала една година да се стабилизира и повторно да „изгледа женствено“ и се надева дека ќе може да продолжи да пее сега откако си го вратила гласот назад.

Таа вели: „Секогаш се облекував во облеката на татко ми како дете. Бев машко дете. Се чувствував небезбедно како жена поради траума како дете и мислам дека тоа ме натера да се чувствувам како да не припаѓам во ова тело“.

„Првпат сфатив дека е можно да го промените вашето тело кога имав 13 години и оттогаш бев убедена дека сакам да преминам и да станам маж. Но, кога конечно преминав и всушност живеев како маж, не се чувствував како што треба“.
„Отпрвин бев посреќна поради мојот лут глас, но почнав да добивам болки и гадење. Сега сум среќна во моето женско тело“.

На 5 годишна возраст Кат доживеала траума поради која се чувствувала небезбедно како девојче и тогаш прв пат ги прашала родителите дали е можна промена на полот.

„Тие беа загрижени за мене и рекоа дека нема да имам добар живот како маж и дека никој нема да ме сфати сериозно“, вели таа.

Кат ја ставила својата транзиција во чекање и се бореше со нарушувањата во исхраната и малтретирањето.

Но, по години чувство дека пробала сè, решила официјално да излезе како трансродов маж и да започне со транзиција.

Кат, исто така, почнала да добива некои загрижувачки несакани ефекти. „Постојано добивав треперење на срцето и ми се гадеше постојано“, вели таа. „Болката стануваше се полоша и полоша“.

Стануваше болно да пејам и сфатив дека можеби никогаш повеќе нема да можам, па престанав да земам тестостерон.
На Кат и требала една година за целосно да се врати во жена на 30-годишна возраст, и покрај тоа што ги земала инјекциите само четири месеци.

„Моите родители сега ми даваат поддршка и знам дека нивните реакции произлегоа од грижата за мене. Морав повторно да научам како да пеам и мојот глас е сепак поинаков, но сè уште имам љубов кон музиката“.

Родителите на Кат велат: „Навистина сме горди на неа. Таа продолжува да оди напред со својот живот и да им помага на другите“.