Што е NXIVM, моќниот култ што ги претвора холивудските жени во робови контролирани од „робовладетел“?

Кога некој ќе дознае за темните, вознемирувачки вистини зад NXIVM (се изговара Нексиум), тешко е да се разбере како оваа организација успеала да остане активна повеќе од две децении. Додека извештаите за ужасните методи на култот првпат се појавија пред повеќе од 15 години, NXIVM продолжи да регрутира богати жени и да изнудува милиони долари од елитни семејства за да се шири низ Америка.

Основана од „шармантниот и харизматичен“ водач Кит Раниер (кој бара од членовите да го нарекуваат „Авангард“) заедно со неговата соработничка Ненси Салцман (која се нарекува „Префект“), организацијата продава семинари за самопомош за директори. Меѓутоа, во рамките на NXIVM е тајно друштво по име DOS кое ги претвора жените во робови.
На 17 октомври, втората сезона на серијата „The Vow“ е премиерно прикажана на HBO. Додека Првата сезона навлегува длабоко во потеклото и падот на култот основан од Кит Раниер, втората сезона ги следи апсењата и судењата на неговото раководство. Раниер ја основал NXIVM во Олбани во 1998 година заедно со Ненси Салцман.
NXIVM , организација која наводно ги перела мозоците и ги уценувала жените да бидат „сексуални робинки“, се распадна во 2018 година. Во март 2018 година, нејзиниот основач, Кит Раниер, беше уапсен и обвинет за сексуална трговија со луѓе поради неговата улога во групата, што потоа предизвика домино ефект: во следните месеци, федералните обвинители обвинија се повеќе и повеќе луѓе за нивна наводна вмешаност, од кои некои сега почнаа да се изјаснуваат за виновни. Сликата создадена за NXIVM во медиумите е, во најмала рака, вознемирувачка: тоа што беше наводна „организација за самопомош“, беше фронт за сексуален култ кој принудуваше жените да станат робинки.

Во изминатите неколку години се појавија некои навистина одвратни детали во врска со случајот, кои се однесуваат на сè, од ропство до детска порнографија. Петте жени кои беа обвинети со Раниер се изјаснија за виновни по различни обвиненија; како дел од нивната спогодба за признавање вина, сите тие може да бидат повикани да сведочат против него.

„Тој тврдеше дека е лидер, но беше измамник“, рече помошникот американски обвинител Тања Хаџар пред поротата. „Тој тврдеше дека е ментор, но само ги искористи… NXIVM беше криминална организација, а Кит Раниер беше криминален бос“.
Ненси Салцман, која беше првата личност инволвирана во случајот што се изјасни за виновна за нејзиното единствено обвинение за заговор за рекетирање,  пред судот во солзи призна дека ги следела корисничките имиња и лозинките на осомничените кртови во групата за да се увери дека не протекуваат детали за внатрешната работа на групата. Таа, исто така, призна дека им наредила на другите „да ги уништат видео лентите“ што го документирало „учењето“ на Раниер.

„Сакам да знаете дека се изјаснувам за виновна затоа што, всушност, сум виновна“, рече таа низ плачење. „Прифаќам дека некои од работите што ги направив не беа само погрешни, туку понекогаш и криминални“.
На 2 април таа година, Лорен Салцман се изјасни за виновна по едно обвинение за заговор за рекетирање, откривајќи дека „свесно и намерно засолнила“ неименувана жена во заклучена соба од март 2010 до април 2012 година; кога жената „не го завршила тоа што требала“. Салцман признала дека и се заканувала дека ќе ја депортира назад во Мексико.

Во 2017 година, ексклузивно, високо тајно женско друштво во рамките на организацијата, наречено Dominus Obsequious Sororium (DOS), што значи латинска фраза грубо преведена како „господар над послушните женски придружнички“, е она што конечно го предизвика падот на NXIVM. Сара Едмондсон, актерка и повеќедецениски посветен член на NXIVM, поднесе жалба до Стејт департментот за здравство на Њујорк по нејзиното започнување со DOS. Според извештајот на „Њујорк Тајмс“ за нејзиното искуство, иницијацијата барала од Сара да испрати голи фотографии од себе како залог на својот „господар“, од кого била регрутирана да биде „роб“. Таа требала да се сними како ги изговара зборовите: „Господару, те молам брендирајте ме, би било чест“.

Едмондсон потоа била осакатена со иницијалите на Кит Раниер во близина на нејзината карлица. Жените во ДОС, исто така, требале да бидат на повик 24 часа на ден – тие би биле казнети со глад доколку не одговорат на пораката од својот господар во рок од 60 секунди – а на неколкумина им бил доделен и секс со Раниер како награда. Медиумскиот шум од 2017 година околу ритуалот ДОС е она што конечно разбуди многу членови во сржта на нивната организација, што поттикна многу заминувања и осудувања на NXIVM. Раниер побегнал во Мексико. Но, во февруари 2018 година, беше поднесена жалба до федералниот суд со барање налог за апсење. Мексиканските власти го уапсија Раниер во март и го депортираа назад во Њујорк.

„Авангард“ Кит Раниер беше обвинет за различни кривични дела, вклучително и сексуална трговија и принудна работа и се изјасни за невин. Неколку други значајни личности од NXIVM, вклучувајќи ги Алисон Мек и Клер Бронфман, исто така беа обвинети за низа злосторства вклучувајќи „кражба на идентитет, изнуда, принудна работа, сексуална трговија, перење пари, измама и попречување на правдата“. Но и жените кои го следеа и верно му служеа на Раниер во последните две децении – сите се изјаснија за виновни за одредени помали обвиненија.

Во јуни 2019 година, Раниер беше осуден од поротата во Бруклин за рекетирање, сексуална трговија, заговор за принудна работа и заговор за измама за помалку од пет часа. На 27 октомври 2021 година, тој беше осуден на 120 години затвор, а моментално ја отслужува казната затвор во Аризона.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!