Што прави Македонската држава за да ги задржи студентите? – Ги одданочува студентите кои работеле во Германија нормално

Во Македонија, значителен дел од младите и студентите размислуваат за заминување во странство. Според различни истражувања, околу 67% од студентите изразуваат желба да емигрираат, додека кај младите генерално таа бројка се движи помеѓу 40% и 50%. Дополнително, секоја година околу 10% од матурантите се одлучуваат воопшто да не студираат во државата, туку веднаш да продолжат со образование во странство. Во последните неколку години, десетици илјади млади луѓе веќе ја напуштиле земјата, што укажува дека ова не е само намера, туку реален тренд. Овие податоци покажуваат дека иселувањето, особено кај образованите млади, претставува сериозен предизвик за државата и еден од главните фактори за т.н. „одлив на мозоци“.

Но нашата држава е на вистински пат да ги сочува овие млади умови со одданочување и за тоа што успеале да го заработат во странство, а се враќаат да го трошат тука.