„Свински“ ребра од растително потекло се продаваат во комплет со вегански коски за јадење – па дали би ги пробале?

Од филе мињон стек до цело ребро, производителот на лажно месо „Juicy Marbles“ веќе објави неколку вегански верзии на популарните меса. Сега, компанијата го претстави својот трет производ – „свинско“ ребра од растително потекло со „коски“ од соја што може да се пржат или печат. Наречен „Bone-In Ribs“, производот им помага на вегетаријанците или веганите на кои им недостасува искуството.

За разлика од трендовските методи на бавно готвење за кои се потребни часови, ребрата може да се готват во рерна за околу 15 минути, според „Juicy Marbles“.

Фирмата допрва треба да ја потврди цената на „Bone-In“ Ribs, но како и нејзините минати производи, се очекува таа да биде повеќе од вистинската верзија на месо. Ограничената серија на „Bone-In Ribs“ е веќе распродадена, но „Juicy Marbles“ се стреми кон ново производство во 2024 година.

„Со толку многу  богати маснотии, секој залак ја дава совршената комбинација на крцкава кора што се топи во устата и нежно, сочно месо“, велат од фирмата, со седиште во Словенија.

„Коските се направени од хранливи растителни протеини, што значи дека можат да се јадат. За крцкава закуска со повеќе протеини, можете да ги пржите, печете или пржите на воздух“.

Според веб-страницата „Juicy Marbles“, ребрата „Bone-In“ се направени од протеин од соја, сончогледово масло, сол и вода, како и сок од црвена репка за да им се даде длабока месна боја. За време на развојната работа за новиот производ, персоналот првично размислувал да создаде месо од растително потекло без коски, пред да одлучат дека тоа ќе биде „само куп месо“.

„Откако решивме да пробаме со коски, првата цел беше да ги направиме барем да бидат јадливи“, се вели во соопштението на компанијата. Чини околу 12 евра по стек кога купувате пакување од четири.