Татко се пожали на „услугата“ во ресторанот на својата малечка ќерка, а неговите поплаки се преслатки
Малите деца понекогаш знаат да бидат вистински предизвик за родителите, но нивната детска фантазија, спонтаност и слатка искреност секогаш успеваат да го освојат срцето. Кристоф Кајл, горд татко на 18-месечната Ава, стана вирален хит на социјалните мрежи откако на урнебесен начин ги опиша своите впечатоци од ручекот во импровизираниот ресторан на својата ќерка.
Содржина:
На мало пластично столче почна ручекот во „Кујната на Ава“
Таткото седнал како гостин во детската соба, каде што неговото девојче отворило свој мал ресторан. Наместо обична семејна игра, моментот го претворил во духовита рецензија од позиција на незадоволен клиент, со хумор што веднаш го освои интернетот: „Решив да поддржам локален мал бизнис за ручек. Местото е многу чисто, но сопственичката е навистина посебна приказна!“
45 минути чекање, еден гостин и пауза за цртан филм
Во својата „поплака“, Кајл го опиша целиот тек на услугата како да станува збор за вистински ресторан со сериозни пропусти: „Најпрво прашав зошто има балони на моето столче кога денес не ми е роденден, а таа само ми мавташе со рачето да не ѝ се мешам во работата. Чекав на мојата нарачка цели 45 минути, иако бев единствениот гостин во локалот. Готвачката среде подготовка на јадењето реши да направи 20-минутна пауза за да гледа цртан филм на телевизија“, напиша насмеаниот татко.
„Готвачката е толку преслатка“ беше доволно за уште една шанса
Неговата заклучна оценка гласеше: „Услугата кон клиентите дефинитивно би можела да биде подобра, но готвачката е толку преслатка што дефинитивно ќе ѝ дадам уште една шанса!“ Приказната предизвика стотици илјади позитивни реакции на интернет, а корисниците беа воодушевени од начинот на кој таткото активно учествува во детската игра и ја поттикнува креативноста на своето малечко.
Коментирај анонимно