Тејлор Свифт ја збуни публиката откако случајно голтна нешто на настап во Чикаго

Тејлор Свифт ги исплаши своите обожаватели ,откако случајно проголта бубачка додека настапуваше за време на нејзината концертна турнеја во неделата на „Солдиер Филд“ во Чикаго.

Присутните на концертот веднаш замолчеа откако ја видоа 33-годишната пејачка како нагло се одвраќа од публиката и почнува да кашла среде нејзиното шоу.
Пред присутните да сфатат што се случило, хитмејкерот брзо се смири и објасни: „Голтнав бубачка. Многу ми е жал”.

Во толпата се слушна звучна воздишка на олеснување откако обожавателите почнаа да се смеат со неа на неочекуваната ситуација.
„Јас сум сосема добро“, рече Свифт.

„Ова ќе се случи повторно вечерва“, рече таа. „Има толку многу бубачки. Ги има илјада”.
Кратката пауза се случи додека Свифт сè уште беше на сцената помеѓу песните за време на нејзиниот сет на “Evermore”.

Во тој момент, таа требаше да ја изведе својата песна “Tolerate It” од нејзиниот деветти студиски албум објавен како изненадување во декември 2020 година.
Со шоуто во неделата, таа ја заврши својата тридневна викенд посета во Чикаго.