Телевизори во Министерството за урбан развој во САД беа ХАКИРАНИ, откако излезе видео од Трамп како му ги бакнува стапалата на Илон Маск

Вработените во кафетеријата на Одделот за домување и урбан развој (HUD) во понеделникот беа затекнати од појавата на невообичаено видео на телевизиските екрани. На видеото беа прикажани зборовите „Долго нека живее вистинскиот крал“, заедно со вештачки генерирани снимки на претседателот Доналд Трамп како му ги бакнува стапалата на милијардерот Илон Маск.

Снимките од видеото беа споделени со новинарката на Vox, Рејчел Коен, која ги објави на социјалните мрежи. Засега не е јасно како оваа содржина се појавила на екраните, но портпаролот на HUD најави дека ќе има последици за сите одговорни лица.

„Уште еден непотребен трошок на парите на даночните обврзници. Ќе се преземат соодветни мерки против сите инволвирани“, изјави Кејси Ловет за DailyMail.com.

Илон Маск, кој е специјален советник на претседателот, ја предводи програмата DOGE, насочена кон зголемување на ефикасноста во владините институции. Сепак, неговиот ангажман наиде на силен отпор од федералните службеници, особено откако побара од вработените да испратат извештај за нивните постигнувања во текот на изминатата недела.

Е-пораката со наслов „Што сработивте минатата недела?“ предизвика незадоволство, бидејќи вработените требаше да наведат околу пет клучни точки за својата работа и да му ги пратат на својот менаџер. Маск дополнително ја заостри ситуацијата со објава на „X“, во која предупреди дека непочитувањето на овој барање ќе се смета за оставка. Крајниот рок за поднесување на одговорите беше до крајот на понеделникот.

Овој потег предизвика жестоки реакции меѓу државните службеници, кои го обвинија Маск дека се однесува како неименуван диктатор. Бараат од претседателот Трамп да го отпушти контроверзниот милијардер, основач на Tesla, Starlink и SpaceX.

Во меѓувреме, Маск продолжува да ужива во својата улога во владата. На Конзервативната политичка акциона конференција, аргентинскиот претседател Хавиер Милеј му подари хромирана моторна пила, што Маск го искористи за уште едно шеговито изјаснување: „Станав меме. Живеам во мемето, тоа е тоа“.

Претседателот Трамп, пак, останува цврсто на страната на Маск. Во изјава од Овалната канцеларија, тој го нарече испратениот мејл „одличен“ и ја потврди поддршката за напорите на Маск во борбата против „расипништвото, измамите и злоупотребите“ во федералната администрација.