Топ 50 најдобри видови на леб од целиот свет (прв дел)

Пумперникел, Германија

Пумперникел е специјалитет во германскиот регион Вестфалија веќе стотици години. Убавината на овој леб е бидејќи содржи чисто ‘ржано брашно, има карактеристична махагони боја и најважно е дека се пече и до 24 часа во топла рерна на пареа.

Паи бао, Хонг Конг

Паи бао се вбројува во едно од најдобрите печива во Хонг Конг, поради малата промена во составот на тестото. Се додава малку варено брашно и вода и така го добива својот карактеристичен млечен вкус и подолго време останува свеж. Уште е познат и како сладок леб.

Темен ‘ржан леб, Исланд

Овој леб е направен од темно ‘ржано брашно и се пече во метален сад со капак во таканаречена „подземна“ печка. Садот со тестото се закопува во земја во близина на геотермалните извори и се остава да се пече 24 часа.

Парата, Индија

Техниката на правење на овој леб е сличен како за кроасани, со повеќе слоеви од тенко тесто, но разликата е во тоа што овој леб се прави од интегрална пченица и има ронлива текстура.

Роти гамбанг, Индонезија

Овој леб е старомоден, но сепак многу омилен во пекарите во Џакарта. Циметот и палминиот шеќер му даваат уникатен сладок вкус на овој пченичен леб. По изгледот наликува на познатиот индонезиски инструмент гамбанг, па оттаму и го носи неговото име.

Санџак, Иран

За да се направи овој леб потребни се повеќе вешти пекари, бидејќи се готви директно на голема површина со врели камчиња. Топлината од камчињата му ја даваат познатата крцкавост на овој леб. Се служи така што во парче санџак се става сирење и ароматични зелени билки за да се почувствува таа експлозија од вкусови.

Леб со сода, Ирска

Овој леб е пример дека нема потреба од квасец за да се добие леб со воздушеста текстура. За подготовка на овој леб, пекарите во Ирска користат меко пченично брашно, кисело млеко и сода бикарбона. Ирците најчесто го конзумираат со солен ирски путер.

Чала, Израел

Овој леб е традиционален во Израел и се користи во еврејските ритуали. Има карактеристичната форма на плетенка, содржи јајца и има препознатлива сјајна мека кора.

Чијабата, Италија

Во 1982 година, италијанскиот пекар Арналдо Кавалари го создал овој леб, кој е сличен на багетот. Клучната разлика е во тоа што, во чијабатата се додава маслиново масло.

Бама леб, Јамајка

Овој леб се еден вид пржени колачиња од маниока, бидејќи токму коренот маниока е основната состојка на овој леб. За подготовка на овој леб, маниоката се обработува со посебна техника, така што прво се ренда, а потоа се пресува во метални прстени за да се ослободи природниот цијанид.

Каре тава (леб со кари), Јапонија

Овој познат јапонски леб се добива така што, во тесто се става однапред подготвено јапонско каре, потоа се валка во лебни трошки и се пржи во голема количина загреано масло. Овој леб е крцкав однадвор, а сочен и мек одвнатре.

Страни: 1 2