Трендот на големи задници во Холивуд: Пластичните хирурзи ги откриваат познатите личности за кои мислат дека хируршки ги подобриле нивните тела

Рекордни 28.600 жени во САД имале козметичка процедура за подобрување на задникот во 2022 година, покажуваат бројките, што е за 54 отсто повеќе од пред пет години. Се смета дека нивната популарност е поттикната од „“Инстаграм, заедно со подемот на хип-хоп културата и „ефектот Кардашијан“.

Пластичните хирурзи изјавија дека иако некои трансформации се поочигледни – како што се раперките Ники Минаж и Карди Б и Ким Кардашијан – во последниве години се појави посуптилна форма на големи задници.

Бразилското подигнување на задникот (BBL) – исто така познато како зголемување на задникот со калемење маснотии – стана популарно во средината на 2010-тите. Чини од 8.000 до 10.000 долари по процедура, а се прави со екстракција на маснотии од една област на телото – како што е половината или внатрешниот дел на бутот – и се вградува во задникот. Најчестата техника вклучува правење четири засеци во задникот и користење на канила – мали медицински инструменти слични на цевка – за да се „засадат“ масните клетки во пределот на задникот што пациентите сакаат да стане подебел. Некои хирурзи користат и други техники, вклучително и силиконски импланти на задникот за да го нагласат – иако оваа техника е позната и како опасна.

Д-р Кристофер Коста, пластичен хирург и сопственик на „Platinum Plastic Surgery“ во Лас Вегас , вели дека најдобрите BBL се оние кои „ги нагласуваат облините додека го одржуваат својот природен изглед“.

Тој укажа на Иги Азалеа (33) и тоа дека го имала еден од најдобрите задници во шоу- бизнисот. Други на кои хирургот посочи се Ники Минаж и Карди Б, за кои рече дека и двете најверојатно биле подложени на повеќе операции за да ги постигнат своите големи задници.

Меѓу познатите личности, хирурзите сугерираат дека Џенифер Лопез можеби е меѓу оние кои се залагаат за посуптилни подобрувања. 54-годишната ѕвезда е позната по нејзиното тело, но лекарите велат дека како што старее би очекувале нејзиниот задник да се намали – што не е случај.

Една од најзагрижувачките компликации од овие операции е масната емболија, што е кога масните клетки влегуваат во крвотокот и патуваат до витален орган како срцето или белите дробови каде што може да предизвикаат внатрешно крварење и може да се бидат фатални.

Други компликации од операцијата вклучуваат некроза на маснотии или смрт на ткивото и задржување на течности – каде што течностите се акумулираат во одредени области и потребна е дополнителна операција за отстранување.