Уметноста не познава граници: Бен Вилсон е уличен уметник кој за платно може да ја искористи вашата изџвакана гума за џвакање

Британски уметник создава слики на искористени гуми за џвакање, кои ги бара во ѓубрето. И тука не станува збор за екологија, трикот е претворање на лошото во убаво.
Уметникот Бен Вилсон на работа може да се најде токму на улиците низ Лондон. Во облека извалкана со боја, тој постојано бара основа за слики – гума за џвакање од некој, која ќе стане „платно“.

Правилната гума за џвакање треба да биде сува, но не премногу тврда. Потоа, со специјална подлога за загревање, Вилсон ја израмнува површината и почнува да ја бојадисува. Откако ќе ја заврши работата, уметникот ја лепи сликата на тротоарот и мирно си оди дома. Поголемиот дел од делата ги уништуваат од јавните комунални претпријатија. Но, на едно место – на пешачкиот мост Милениум – галеријата на микрослики не е допрена.