„Вака ни враќате?“: Муслиманите ја презедоа власта во американски град и го забранија знамето на ЛГБТК+ заедницата

Хамтрамк е град со население од 28.000 луѓе, кој се наоѓа во Мичиген. Некогаш таму живееле емигранти од Полска, па местото на шега го нарекувале „Мала Варшава“. Но, во последните децении, приливот на имигранти му даде нов карактер на Хамтрамк. Бенгалски и арапски имигранти се приклучиле во Градското собрание. Се зголемиле џамиите, рестораните и продавниците отворени од имигранти од Јемен и Бангладеш.

И минатата година, муслиман кој емигрирал од Јемен како тинејџер стана градоначалник – првиот водач на градот по речиси еден век без полски корени – заедно со она што се верува дека е единствениот целосно муслимански градски совет во нацијата.

Амер Галиб станал градоначалник на градот, тој дошол во САД кога имал 14 години. Локалните немуслимански жители на почетокот дури се радувале на ова, па дури виделе некаква прогресивност во тоа што Хамтрамк сега има џамии и повикот за молитва од минарето е дозволен.

Сепак, етничката, културната и религиозната различност што го направи Хамтрамк нешто како модел, сериозно се става на тест. Во јуни, по раздорна дебата, шестчлениот совет го блокираше истакнувањето на знамињата на гордоста на градскиот имот – акција што ги налути сојузниците и членовите на ЛГБТК+ заедницата, кои сметаат дека поддршката што им ја дадоа на имигрантските групи е возвратена со предавство.

„Ние не целиме никого“, рече градоначалникот. „Се обидуваме да ја затвориме вратата за други групи кои можеби се екстремистички или расистички“.

Некои жители на градот беа огорчени:

„Ве поздравивме“, се сеќава поранешната членка на советот Катрина Стакпул, пензионирана социјална работничка која се идентификува како геј. „Создадовме непрофитни организации за да помогнеме да се хранат, облечат, да најдат станови. Направивме се што можевме за да ви ја олесниме транзицијата овде, а вие вака ни возвраќате со тоа што ни забивате нож во грб?“

„Целта беше да се тргне по знамето на геј гордоста“, рече Џош Ханскнехт, локален професор во средно училиште и отворено геј.

„Веќе не се чувствувам удобно ниту да се држам за рака со мојата девојка“, рече Бригс, отворен застапник на ЛГБТ.

На незадоволните им се придружи и главната обвинителка на сојузната држава Мичиген, Дејна Несел, исто така лезбејка: „Го молам градот Хамтрамк да го искористи вашиот глас за да зборува во име на сите негови жители, да го урне ѕидот што сега го изградивте што го претвори овој горд град во национален срам“.

Но, градските власти не гледаат „срам“ во забраната за знамето на виножитото и нема да ја повлечат својата одлука. Тие се поддржани од целата муслиманска заедница во градот и некои од „домородните“ жители. Покрај тоа, тие веруваат дека тука нема што да се разговара – има многу посериозни прашања: „Има олово во водата, има олово во почвата, има ѓубре по сокаците, има дупки на патиштата“, рече Рахман (41) од Бангладеш. „Многу фабрички работници немаат автомобили. Тоа се нивни проблеми“.

Малите заедници и училишните области во Охајо, Висконсин, Јута и Калифорнија имаат слични забрани за истакнување на ЛГБТ знамето.