Вака треба и кај нас ПОД ИТНО: Илон Маск им испрати меил на сите државни службеници и бара да му набројат 5 работи што ги завршиле минатата недела

Илон Маск ја брани својата вчера вечерна порака до сите федерални службеници, во која бара од нив да испратат пет задачи што ги завршиле минатата недела.

Вработените во владата во САД почнаа да споделуваат слики од е-пошта што ја добиле од Канцеларијата за персонал, во која се бара да одговорат со пет точки за своите постигнувања од минатата недела. Крајниот рок за одговор е до денес, понеделник во 23:59 часот.

Маск објави на „X“ дека неиспраќањето одговор ќе се смета за оставка, но некои федерални службеници велат дека некои нивни колеги дури и не ја добиле е-поштата. Некои го нарекуваат барањето „вознемирување“ и „создавање непријателска работна средина“.

Сенаторката Тина Смит од Минесота го критикуваше потегот, нарекувајќи го „типичен потег на лош шеф“, додека Маск возврати дека ова е „тривијална задача“ и дека веќе добиле многу „добри одговори“.

Тој отвори анкета на „X“, прашувајќи дали сите федерални службеници треба да поднесуваат неделни извештаи за својата работа. До 10:00 часот, од 167.598 одговори, 84% гласаа „да“.

Некои поддржувачи велат дека ваквата практика е вообичаена во приватниот сектор и ја сметаат за нормален дел од управувањето со кадрите. Сепак, критичарите тврдат дека оваа политика создава непотребен притисок врз вработените во јавниот сектор.

„Покус“ не остана и претседателот Доналд Трамп, кој со меме од Сунѓерот Боб, ги исмеа федералните вработени кои се налутени од е-меилот на Маск.