„Веќе ништо не е според правилата: Жените сега поретко сакаат деца и заработуваат повеќе, а мажите не знаат што да прават со такви жени“

Пети Стенџер (62), водителката на „Милионерскиот стројник“ се здружи со Ник Вијал (43), од славната „The Bachelor“, за „Patti Stanger: The Matchmaker“, чија премиера е во четврток во 20 часот.
Тие им помагаат на луѓе да станат најпогодни верзии од себе за да го пронајдат тој посебен човек.
„Како веќе никој да не ги знае правилата“, рече Стенџер, која долго време ги ценеше традиционалните родови улоги.

„Стариот режим повеќе не функционира“.

Иако жените се сè поуспешни во многу области од нивниот живот, Стенџер верува дека менувањето на општествените норми негативно влијае на тоа како се забавуваме.
„Жените излегоа надвор, заработивме пари, станавме успешни, а мажите се заплашија и станаа огорчени поради тоа“, рече Стенџер.

Американките сега ги надминуваат мажите во неколку аспекти – вклучувајќи ги факултетските дипломи, сопственоста на домот и, во одредени слуќаи, платата. Плус, некои покажуваат помал интерес од мажите да имаат деца – и не им треба ни машки партнер за да забременат ако одлучат да имаат деца.

Рекорден број на 40-годишници во САД никогаш не биле во брак, а повеќето од овие милениумци живеат сами, според податоците од пописот.

„Луѓето го изгубија својот пат“, изјави Стеџгер. „Ние сме социјални суштества. Ние не треба да бидеме сами“.
Најдобриот совет за запознавање што може да го сподели е оној што ѝ го дале и таа го следи: „Не се откажувај. Не се откажувајте – љубовта е секогаш зад аголот“.