Вештачката интелигенција откри необичен детаљ скриен во познато ремек-дело на Рафаел

Детална анализа на ремек делото

Историски, се воделе дебати околу автентичноста на ова дело, кое настанало помеѓу 1518 и 1520 година. Новиот метод на анализа користи длабинска анализа на карактеристики (deep feature analysis) и е развиен на основа на сигурно автентични дела на Рафаело. Преку обука на алгоритмот да препознава специфични стилски елементи – потези на четката, палета на бои, сенчење – тимот постигнал прецизност од 98% во идентификацијата на Рафаелови дела.

Во случајот со Мадона со роза, кога анализата се спровела врз целата слика, резултатите биле нејасни. Но, кога сликата била разгледувана во делови, лицата на Мадоната, Христос и св. Јован биле потврдени како Рафаелови. Само лицето на св. Јосиф отстапувало, што се совпаѓа со постојните сомнежи кај историчарите на уметноста дека тоа делувало помалку вешто изведено. Можно е да го има насликано Џулио Романо, еден од учениците на Рафаело, но тоа сè уште не е докажано.

Новиот софтвер ќе ги замени експертите?

Истражувачите нагласуваат дека ваквиот софтвер нема да ги замени експертите, туку ќе им помогне при потврдата на авторството. Анализата на делото вклучува и други фактори – потекло, пигменти, состојба на делото – каде човечкиот увид е незаменлив.