Ви дојде преку глава од СДС, ДПМНЕ и ДУИ? Еве го решението: Најоддалечената работа во светот, каде што работниците живеат со пингвини, вработува, а рокот за аплицирање наскоро истекува

Ако ви се допаѓаат пингвините повеќе од луѓето, оваа работа може да биде одлична за вас и за среќа во моментов вработуваат.

„Пингвин пошта“ во Порт Локрој на островот Гудие, во близина на полуостровот Антарктик, бара пет членови на персоналот да живеат таму од ноември до март. Тие ќе бидат задолжени со различни одговорности, вклучително и да ставаат печати на околу 80.000 парчиња пошта, грижа за предмети како стар грамофон – и чистење на изметот од пингвини.

Порт Локрој, познат и како „База А“, е формиран во 1944 година како дел од тајната владина мисија на Антарктикот. Подоцна беше именуван како историско место и споменик бр. 61 во 1994 година според Договорот за Антарктикот.

Откако тим од Британското Антарктичко истражување ги разубави зградите во 1996 година, тој е отворен за посетители секое лето. Околу 18.000 туристи патуваат секоја година со бродови за крстарење и чамци.

Но, иако може да биде забавно да се посети, условите се сурови. Работниците живеат заедно без модерни удобности како проточна вода,  тоалети или сигнал од мобилен телефон. Единствениот начин да стапите во контакт со надворешниот свет е преку сателит, кој се користи само за професионални цели.

Луси Дорман, која ја водеше базата во Порт Локрој од 2019 до 2020 година, секојдневно броела пингвини за Британското истражување на Атлантикот. Но, таа предупреди: „Повеќето луѓе веројатно не се толку свесни колку се смрдливи“.

Друг претходен вработен додаде: „Мислам дека навистина се навикнав да живеам во оваа прекрасна средина овде со сите пингвини и смиреноста и оддалеченоста. Не сум сосема сигурен како ќе се вратам да живеам во Лондон каде што има толку многу луѓе околу мене, па ќе видиме“.

Во изјава за Вашингтон пост, главниот извршен директор на Обединетото Кралство Антарктик Херитиџ труст Камила Никол даде јасна слика за тоа што точно ќе вклучува работата. Таа рече: „Да се ​​живее таму е напорна работа. Можеби ќе работите 12-часови на ден. Нема многу време за одмор и релаксација“.

Според неа, повеќето денови вклучуваат носење „кутии, кофи и канти низ снег или над лизгави карпи“. Сепак, илјадници се пријавуваат секоја година за работните места, кои плаќаат помеѓу 1.500 И 2.100 евра.

Тие кои сакаат да се пријаваат мора да имаат право да работат во Обединетото Кралство, да направат медицински тест и да поминат четири недели на обука во Кембриџ пред да тргнат на нивната авантура на Антарктикот. Таа додаде: „Добиваме луѓе од сите возрасти од целиот свет. Бараме луѓе кои се фит и издржливи и навистина сакаат да запознаваат луѓе и посетители. Бараме тим; четири луѓе кои можат да живеат и работат заедно“.

Работните места се објавени и на социјалните мрежи.

„Со нетрпение очекуваме уште многу години да работиме заедно за да обезбедиме зачувување на базата А, Порт Локрој, заедно со другото наше специјално наследство на полуостровот Антарктик“, се вели во објавата на официјалниот фонд за антарктичко наследство на Велика Британија.

„Од броење пингвини до сортирање пошта во најјужната пошта во светот, работата во Порт Локрој на Антарктикот е работа како ниедна друга!“

Поштата „Пингвин“ бара еден водач на база, еден менаџер во продавница и тројца генерални асистенти. Крајниот рок за пријавување е понеделник (18 март).