Ви здосади од апликациите за запознавање? Нов начин на „дејтање“ зема замав оваа година – и тоа верувале или не, со личности по ваша мерка

Во 2024 година, многу луѓе веќе се уморни во обидот да најдат љубовен партнер. Во услови на замор од апликациите за запознавање, некои луѓе се враќаат на основите со излегување од дома и дружење, со цел да најдат потенцијален животен партнер.

„Single and The City“, им помага на луѓето кои бараат специфичен тип на личност, без разлика каков тип на личност тоа може да биде. Основачот на „Single and The City“, Амбер Солети, вели дека има по нешто за секого.
„Беше 2008 година и живеев во Њујорк и работев во индустријата за убавина, каде што неколкуте мажи на мојата работа беа или хомосексуалци или женети“, изјави таа за „Фокс Њуз Дигитал“.

Таа додаде: „Не го запознавав типот на мажи за кои бев заинтересирана, па решив дека треба да основам своја компанија за да го подигнам нивото – со цел да запознаам некого преку еден од моите настани“. Денес, „Single and The City„ се домаќини на настани за дружење на самци во Њујорк Сити и Остин, Тексас.

Настаните, кои обично носат од 75 до 250 луѓе, бараат од мажите да ја покажат својата лична карта при пријавувањето за да докажат дека се фер и реални. Оттаму, „картичките за кршење мраз“ им се доделуваат на жените со тривијални прашања за да им помогнат при првиот чекор.

Солети изјави дека „Single and The City“ забележале зголемување на посетеноста за 67% оваа година од минатата година – велејќи дека тоа во голема мера се должи на луѓето кои имаат фрустрација и замор од апликациите.