Вирално видео од робот што удира жена отвора прашања за безбедноста

Демонстрацијата на хуманоидните роботи на кинеската компанија Unitree на фестивал во Тајшан, Кина, заврши со неочекуван инцидент – еден од роботите се приближи до толпата и речиси со главата удри постара жена.

Видеото брзо стана вирално и предизвика жестока дебата – дали роботот намерно ја нападнал жената или едноставно се сопнал? Иако денешните роботи сè уште не се способни за свесни напади, инцидентот ја отвори темата за потенцијалните ризици.

Недостаток на регулативи и одговорност

Продажбата на хуманоидни роботи се очекува да порасне во следната деценија, но моментално нема јасни закони што ги регулираат. За разлика од дроновите, за кои постојат строги правила, роботите можат да се користат без ограничувања.

Некои модели, како Tesla Optimus, се контролирани од далечина, додека Unitree H1 користи џојстик. Овие роботи, кои чинат околу 90.000 фунти, им дозволуваат на корисниците да развиваат сопствена вештачка интелигенција, но со ограничени можности.

Прашањето е – ако робот повреди некого, кој е виновен? Дали производителот или корисникот? Оваа дилема веќе се појави во САД, каде што вдовец го тужеше производителот на медицински роботи Intuitive Surgical поради смрт на неговата сопруга.

Како да ги направиме роботите побезбедни?

Построги правила за користење – Роботите не треба да се контролираат од луѓе под дејство на алкохол или дрога, ниту да се користат во ризични средини како гужви, фабрики или на високи згради.

Подобрен дизајн – Роботите треба да имаат механизми за безбедност, како заштитни облоги, звучни и светлосни сигнали за предупредување, а нивните движења да бидат предвидливи.

Обука за операторите – Корисниците мора да поминат обука за управување со роботите, слично на возачка дозвола.

Подобра едукација на јавноста – Инцидентот во Кина покажа дека луѓето имаат погрешни претпоставки за роботите и нивните способности. Доколку јавноста знае дали роботот е автономен или контролиран од човек, тоа може да спречи паника и несакани реакции.

Роботите стануваат дел од секојдневието, но регулативите за нив се сè уште неразвиени. Без јасни правила, ќе продолжиме да гледаме ситуации како оваа во Кина – каде што технологијата оди пред законите, оставајќи многу отворени прашања за безбедноста.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!