Вистинската причина зошто Бред Пит сакал да ја реши жестоката битка за развод со Анџелина Џоли – си има човекот други планови

Бред Пит, по финализирањето на неговата разводна битка со Анџелина Џоли, се подготвува повторно да се ожени во 2025 година со неговата нова љубов, 32-годишната дизајнерка на накит, Инес де Рамон.

Двојката, која се запознала пред две години, живее заедно во Лос Анџелес, а Инес е позната по тоа што го одржува својот приватен живот далеку од јавноста, дури барајќи од деловните контакти да потпишат договори за доверливост.

Разводот со Анџелина официјално беше финализиран на крајот од 2024 година, по осумгодишна правна битка која започна во 2016 година. Џоли, наводно, била „исцрпена“ од процесот, додека Пит чувствувал дека таа намерно го одложува завршувањето.

Бред се надева дека конечно ќе успее да ги поправи односите со своите деца, иако тоа останува голем предизвик. Некои од децата не комуницираат со него, додека други го тргнале неговото презиме од нивните имиња.

Дополнително, спорот за заедничната винарија „Château Miraval“ сè уште не е решен, а и двете страни се подготвени за судење или медијација.

Извори блиски до Бред откриваат дека Инес е личноста која му помогнала да се чувствува подготвен за нов брак. Очекувањата се дека двојката ќе се сврши во текот на 2025 година, што ќе претставува ново поглавје за славниот актер.