Во Британија се разгледува опцијата да се учи по 3 дена неделно, затоа што училиштата немале пари

Директорите размислуваат за имплементација на тридневни недели во училиштата бидејќи се борат да се справат со растечките трошоци за енергија и платите на персоналот кои растат побрзо отколку што дозволува нивниот буџет. Низ целата земја, раководителите на училиштата одржуваат „кризни состаноци“ со доверителите и одборот на гувернери за време на летниот распуст, каде што планираат однапред. Зголемувањето на платите на наставниците што треба да се доделат во септември ќе додадат уште еден притисок.

Трошоците за енергија во некои области се предвидува да се зголемат за 300 отсто.

Главен извршен директор на еден од водечките академски трустови во земјата рече: „Пократки училишни денови, помалку работилници после училиште и ограничувања на користењето енергија ќе станат реалност за сите. А ситуацијата е особено предизвикувачка за помалите фондови и самостојни училишта“.

Финансирањето по ученик во Англија се намали за девет отсто помеѓу 2010 и 2020 година.

Иако Владата вети дополнителни 7 милијарди фунти за училишните буџети во Англија до 2024 година, Институтот за фискални студии предупреди дека трошењето по ученик сепак ќе биде пониско од нивото од 2010 година во реална смисла.

Др.Робин Беван, директор на средното машко училиште „Саутенд“ во Есекс, рече: „Ако веќе не се планира четиридневна недела, тоа сигурно ќе биде разгледано од некои училишта. Во отсуство на одамна задоцнети инвестиции над инфлацијата во финансирањето на училиштата, тоа ќе стане реална перспектива порано отколку подоцна“.

Д-р Беван рече дека неговото училиште било принудено да користи од ограничените резерви за да продолжи да работи. Додека приходот ќе се зголеми на 300.000 фунти, сметките за комунални услуги ќе се зголемат за 200.000 фунти, плус дополнителни трошоци за плаќање на наставниците од 70.000 фунти и уште 40.000 фунти надвор од буџетот за помошен персонал.

Д-р Беван ја опиша иднината како „исклучително мрачна“ и рече дека трошоците се зголемуваат побрзо отколку што буџетите можат да се прилагодат.

Портпаролот на Одделот за образование рече: „Ние признаваме дека училиштата – слично како пошироката економија – се соочуваат со зголемени трошоци, вклучително и за енергија и плати за персоналот. Училишната недела треба да трае најмалку 32,5 часа – сегашниот просек – за сите редовни училишта финансирани од државата. Илјадници училишта веќе ја испорачуваат оваа должина на неделата во рамките на постоечките буџети и очекуваме тековните планови за финансирање да одговорат на ова“.