Во денешно време можете и да си ги смените очите: Доктор наплаќа по 6.000 долари од око за ТРАЈНО да ви ја промени нивната боја

Офталмолог со 3,4 милиони следбеници на „TikTok“ стана вирален поради својата специјализација за трајна промена на бојата на очите.

Д-р Брајан Боксер Вахлер објавува резултати од својата работа, нагласувајќи дека ако луѓето се подложуваат на естетски интервенции како ботокс или зголемување на градите, тогаш зошто да не ја сменат и бојата на очите.

Процедурата, позната како кератопигментација, се состои од вбризгување пигмент во рожницата, покривајќи ја природната боја на ирисот. Интервенцијата чини 12.000 долари за двете очи, а ефектот е моментален. Зафатот трае 20 минути, со еден ден за опоравување.

Најбарани бои се медено златна, челично сива и маслинесто зелена. Според Вахлер, интервенцијата е безбедна, без загуба на вид кај здрави пациенти, иако може да предизвика привремена чувствителност на светлина.

Додека некои пациенти плачат од радост, реакциите на интернет се поделени. Некои корисници ја нарекуваат процедурата „дистописка“ и ризична, додека други ја доведуваат во прашање нејзината законитост.

Вахлер вели дека промената на бојата на очите може значително да влијае на самодовербата и личниот идентитет, дозволувајќи им на луѓето да се изразат на поинаков начин.