Замрзнати градови, сообраќајни несреќи, прекини на електрична струја… Силната зимска бура во САД уби најмалку 48 лица!

Студената зимска бура продолжи да зафаќа голем дел од Соединетите држави на Бадник, носејќи рекордно ниски температури, заслепувачки снежни бури, замрзнат дожд и поплави.
Бурата што ја погоди земјата на почетокот на минатата недела е речиси без преседан по својата магнитуда и се протега од Големите езера во близина на Канада до Рио Гранде долж границата со Мексико.

Дури и малиот град Хел, во Мичиген, официјално замрзна откако температурите паднаа на минус 50 степени во петокот вечерта (-45,56 °C). Еден локален жител за „Би-Би-Си“ изјави: „Овде е прилично ладно, но одлично се забавуваме“. Во меѓувреме, Сиетл стана џиновско лизгалиште.

Невремето оштети и далноводи низ целата земја, оставајќи околу два милиони Американци без струја. Само во Северна Каролина имаше преку 400.000 прекини на електрична енергија, а до Нова Година се очекуваа дополнителни постепени прекини. Досега е потврдена смртта на најмалку 48 лица.

Автопатиштата се преполни со купишта уништени автомобили по фаталните сообраќајни несреќи поради снежните врнежи.

„Amazon“ и „FedEx“ предупредија дека ветените времиња на испорака може да се одложат поради екстремни временски услови. Речиси 10.000 летови се откажани или одложени бидејќи Американците очајно се обидуваат да се вратат дома за Божиќ.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!