Запознајте го 11 годишното дете со аутизам кое има повисок коефициент на интелегенција од Ајнштајн и Хокинг!

11-годишно момче доби покана да се приклучи на „Менса“, здружението на луѓе со висок коефициент на интелегенција, откако постигна повисок коефициент на интелигенција од Алберт Ајнштајн и Стивен Хокинг.

Кевин Свини, кој има аутизам, можел да го запамети периодниот систем на шестгодишна возраст и знаел да чита пред да започне основно училиште.

Детето генијалец, кое отпатувало во „Куакерската куќа за состаноци“ во Единбург за да го положи тестот, добил оценка за коефициент на интелигенција од 162 – ставајќи го во првиот процент од луѓето. Кевин, кој беше единственото дете кое го полагаше тестот на 16 јули, сега се рангира над теоретскиот физичар Стивен Хокинг чиј коефициент на интелигенција бил 160 и Алберт Ајнштајн, кој иако официјално никогаш не го полагал тестот, се верува дека имал ист резултат како Хокинг.

Кевин сега е поканет да се приклучи на престижното друштво „Менса“ – најголемото и најстарото друштво на луѓе со висок коефициент на интелигенција.

Гордиот татко Еди Свини (40) раскажа за тоа колку веста му значела на Кевин – кој не можел да ја задржи возбудата.

„Кевин трчаше низ градината кога ги доби резултатите. Тоа му значеше многу повеќе отколку што замислувавме“, рече тој.

„Се надеваме дека ова е големо засилување за него. Животот има свои предизвици за Кевин, а ние навистина сакаме да помогнеме да го максимизираме неговиот потенцијал и да му ја дадеме секоја можност во животот“.
И г-дин Свини и мајката на Кевин, Лаура (39) изјавија дека отсекогаш знаеле дека Кевин е гениј.

„Доби максимален резултат за некој на негова возраст. Немаше други деца на тестот, сите беа возрасни“.

„Мислевме дека може да се преоптовари со сите возрасни луѓе, но тој само разговараше со сите велејќи „здраво, јас сум Кевин“.

Г-дин Свини објасни дека тој и Лора го направиле тестот пред неколку години поради нивната љубов кон квизовите, но Кевин бил премногу млад за да го направи тоа и покрај неговата желба.

Родителите на Кевин се надеваат дека ова сега може да помогне да се отворат вратите за Кевин во иднина.

Кевин сака квизови, па дури и го одговорил прашањето од 250.000 евра на квизот „Кој сака да биде милионер“ уште пред да се појават какви било опции.

„Ние сме толку горди како родители, отсекогаш сме знаеле дека тој е навистина умен. Секогаш им кажувавме на луѓето дека е гениј, а јас не го користам тој збор лесно“, додал таткото на Кевин.
Г-дин Свини, инструктор по физичко образование во затворската служба, рекол дека „нему не му паѓа на памет“ за што е способен Кевин. „На шест години го знаеше периодниот систем по околу една недела и луѓето го видоа тоа“, вели тој.

„Ќе му побараа бројка и тој можеше да им каже што е, што е симболот и колку тежи елементот.

Г-дин Свини додаде: „Кога во една друга емисија имаше прашање за цената на автобуската карта во „Хари Потер“, тој беше категоричен дека одговорот што го дадоа е погрешен.

„Тој отиде горе, ја најде вистинската страница во вистинската книга за неколку секунди и докажа дека е во право – филмската верзија користела различна цена“.