Запознајте го 7-годишното момченце кое го ризикуваше својот живот за да спаси 3-годишно дете од давење

Седумгодишно момче е наречено „херој“ откако храбро скокнало во базен длабок 2 метри за да спаси тригодишно дете од давење. Масија Браун од Сакраменто, Калифорнија, пливал со семејството во нивниот станбен комплекс, кога забележал дека малото дете, кое му билонепознато, лежи со отворена уста и очи на дното од базенот.

Набрзина се пикнал во водата и го спасил малото дете – за чудо му го спасил животот. Во интервју за Добро утро Америка, Масија, кој од мали нозе зема часови по пливање, се отвори за херојскиот момент.

Тој рече: „Само играв во базенот, а потоа видов момче на дното на базенот и отидов да го земам“. Второодделенецот бил во базенот со својата роднина Савана (9) во моментот на инцидентот.

Мајката на Масија, Тиара Делвале, брзо се упатила кон базенот од нејзиниот близок стан откако другите роднини кои биле со децата ја известиле за стршните вести. Савана потоа дојде на помош и помогна да го извлече тригодишното момче до палубата на базенот пред да ги извести возрасните, кои повикаа 911.

„Савана го донесе кај мајка му, а потоа му направија CPR на момчето, а потоа го повикаа докторот“, изјави Масија за Добро утро Америка.

Портпаролот додаде дека детето било донесено во болница во критична состојба „со напредни напори за одржување во живот обезбедени од пожарникарите од Сакраменто“.

Оттогаш, тригодишното дете целосно закрепна, што неговата мајка го нарече „чудо“. Според ЦДЦ, давењето е втора водечка причина за смрт кај децата на возраст меѓу една и четири години и има во просек 11 смртни случаи од давење дневно.

Понатаму, во извештајот објавен во 2021 година од Американската академија за педијатрија, беше откриено дека машките мали деца и машките тинејџери се најмногу изложени на ризик да умрат од давење.

За да се спречат смртни случаи од давење или нефатални давења, Американската академија за педијатрија препорачува постојан и внимателен надзор на возрасните кога децата се во и околу вода, како и употреба на елеци за спасување меѓу децата и возрасните.

Родителите на малото дете се благодарни за херојството на седумгодишното дете. Родителите на Масија – Тиара и Маркус Браун, поранешен олимписки боксер – рекоа дека нивниот син „плива како риба“ и дека „не можеле да веруваат“ во неговата храброст за време на спасувањето, додавајќи дека тој е „добро дете“.