Жена од Пенсилванија на работ да наполни 100 години го дочека своето 100-то правнуче, но за малку големото семејство немало ни да се случи…

Маргерит Колер (99) ќе го прослави својот 100-ти роденден за само неколку месеци. Но, таа можеше да ја одбележи оваа прилика на почетокот на овој месец со раѓањето на 100-тото правнуче Колер Вилијам, именувано по нејзиниот покоен сопруг.

„Само размислувам колку сум среќна“, изјави Маргерит додека го држеше најновиот член во семејството – во кое има и 11 деца и 56 внуци.

Таа се труди да биде таму за секое крштевање и дипломирање, изјави нејзиното семејство во минатото и „создаде неверојатно наследство кое се протега низ генерации“, изјави нејзината внука Кристин Балстер за локалната новинска станица.

Меѓутоа, тоа семејство речиси и да не се случило, бидејќи Маргерит размислувала да се приклучи во манастир и да стане калуѓерка.

Таа се пријавила да се приклучи на локалниот манастир кога била помлада во средно училиште, но на почетокот на 1940-тите, го запознала Вилијам Колер, од Манајунк кој ја предомислил. Парот потоа го дочекал своето прво дете во Бејби Бум по Втората светска војна, кога Маргерит знаела дека сака да има големо семејство.

„Сакав да имам големо семејство“, изјави таа. „Мислам дека е тешко да се биде единствено дете – тоа е осамено“.

Таа има 11 деца, родени во текот на речиси 20 години. Тие пак и дале 56 внуци, кои сега се родители на 100 правнуци.

Оттогаш, таа се му припишува на тоа големо семејство што ја одржувало активна и ја натерало да се чувствува благословена секој ден дури и откако нејзиниот сопруг починал во 2008 година.