Жена се жалела на болки во стомакот и НАДУЕНОСТ, за потоа да дознае дека во цревата ѝ расте нешто сосема неверојатно

Жена која страдала од екстремна надуеност била шокирана кога дознала дека е бремена во 23-та недела со фетус кој растел во цревата.

Жената (37) отишла кај лекарите жалејќи се на болка во стомакот која траела 10 дена – како и на надуеност која постепено се влошувала. Скенирањето открило дека „нормално формиран“ фетус расте во нејзината абдоминална празнина – просторот помеѓу желудникот и цревата.
Познат како ектопична бременост, медицинскиот феномен е скоро секогаш фатален за детето. Но, лекарите успеале да го породат бебето во 29 недела и во рок од три месеци, и мајката и детето биле отпуштени.

Лекарите и дијагностицирале абдоминална бременост, еден вид ектопична бременост – или бременост надвор од матката – што се јавува во абдоменот. Бебето било во перитонеалната празнина, или во областа каде што се држат виталните органи, со плацентата прикачена на врвот на карлицата.

Лекарите велат дека овие бремености се многу ретки, но можни ако фетусот почне да расте во јајцеводите – кои носат јајца од јајниците до матката – или јајниците. Со текот на времето, тие можат да пукнат – дозволувајќи му на фетусот да „избега“ во шуплината. Помалку од два отсто од бременостите во САД се ектопични, а околу една од 30.000 се случува во абдоменот. Шансата за смрт за фетусот е дури 90 проценти. За оние кои преживеале, дури една петтина имаат вродени дефекти или оштетување на мозокот.

Жената дошла кај лекарите во Франција од нејзиниот дом на островот Реунион, во Индискиот Океан во близина на Мадагаскар и Маурициус. Лекарите ја замолиле да почека до 29-та недела од бременоста за да го роди бебето, со цел да ги подобри шансите за преживување.

Бебињата се одржливи надвор од матката од 24-та недела, велат лекарите, но стапката на преживување е помала – со 68 проценти преживување. Има и случаи на бебиња кои преживеале по раѓањето во 21 недела. За споредба, во 29-та недела од бременоста, 80 до 90 проценти од бебињата преживуваат надвор од матката.

Лекарите го родиле бебето со засекување во стомакот пред да го префрлат на одделот за неонатална интензивна нега. Мајката отишла на посебна операција 12 дена по раѓањето за да им дозволи на лекарите да и го отстранат остатокот од плацентата.

И мајката и бебето беа отпуштени 25 дена и два месеци по раѓањето. Мајката веќе имала две деца и претходно страдала од спонтан абортус.