Жената добила три желби – сопругот не знаел што го чека (виц)

Три жени играле голф едно убаво неделно претпладне. Едната од нив не била баш највешта, па топчето ѝ одлетало во шумата. Отишла да го побара, а наместо топчето нашла жаба фатена во стапица.

– Ослободи ме – рекла жабата – и ќе ти исполнам три желби.

Жената не се мислела многу и ја ослободила, а жабата ѝ рекла:

– Фала ти, ама заборавив нешто да ти кажам. Што и да посакаш, твојот сопруг ќе добие десет пати повеќе.

– Немам ништо против – задоволно одговорила жената.

Нејзината прва желба била да стане најубавата жена на светот.

– Ама свесна си – ја предупредила жабата – дека твојот сопруг ќе стане најубавиот маж на светот? Ќе го бркаат сите жени.

– Нема проблем. Па јас ќе бидам најубавата жена на светот, ќе гледа само во мене!

И така жената станала најубавата жена на светот.

Потоа посакала да стане најбогата.

– Но тоа значи дека твојот сопруг ќе стане десет пати побогат од тебе.

– Ни тоа не ми пречи. Неговото е и мое – одговорила жената.

И така станала најбогатата жена на светот.

– А која е твојата последна желба? – љубопитно прашала жабата.

– Сакам да добијам ЛЕСЕН срцев удар!