Ѕирнете во најлуксузните суперјахти во светот на гламурозното шоу на јахти во Монако

Најлуксузните суперјахти во светот се собираат на брегот на Средоземното Море пред легендарниот саем за јахти во Монако. Мноштво луксузни пловечки палати се појавија на бреговите на земјата додека супербогатите се подготвуваат да ги покажат своите завидни пловни објекти. Наречен најгламурозен настан во календарот за јахти, саемот за јахти во Монако привлекува посетители од целиот свет. Настанот, кој започна во средата, е преполн со потенцијални купувачи, дизајнери и љубители на бродови кои уживаат во прикажувањата на бродовите. Пристаништето во Монако е веќе зафатено со пристигнувањето на голем број неверојатни бродови опремени со најнова технологија.

Консултантот за суперјахти Марсела Ројер изјави за Си-Ен-Ен: „Во моментов заливот е полн со јахти на сидро и тие се долги преку 50 метри“.

Според Ројер, сите главни играчи во индустријата нема да се осмелат да го пропуштат овој настан.